Goiza: Gosaldu eta Efesora joango gara, San Paulok predikatu zuen leku nagusira, hiru urte egin baitzituen han. Apokalipsiaren Eliza eta III. Kontzilio Ekumenikoa egin zen hiria da. Hiri greko-erromatarra ikusi, oso ondo iraun duena: Hadrianoren Tenplua, Zeltsoren Liburutegia, Via Arcadia, Antzokia. Bazkaria.

Arratsaldea: Kontzilioko basilikari eta San Juanenari ikustaldia Zitadelan, eta gero Efesoko Museo Arkeologikora eta Ama Birjinaren Etxera (Meza). Kusadasira itzuli. Afaria eta atsedena.

Goiza: Gosaldu eta Miletora: antzinako denboran Asia Txikian goraka zihoan hirietako bat zen eta hara joan zen San Paulo hirugarren bidaian. Lautada zingiratsuan 25.000 lagunentzako Antzoki handia aurkitzen da. Ikustaldiaren ondoren, Didimarantz aterako gara: Apoloren tenplu erraldoiaren hondarrak daude eta horregatik da ikusgarria hiri hau, antzinaroko orakulu entzutetsuenaren lekua. Bidean bazkaldu eta Pamukkalerantz jarraituko dugu, “Kotoiaren Mendirantz”.

Arratsaldea: Pamukkalera iritsi eta hiria ikusi (antzinako Hierapolisa), oso ospetsua bere ur termalek ahalmen sendagarriak zituztelako: Nekropolia, ekialdeko zabalenetakoa, Antzokia, San Feliperen Basilika eta harri bihurtutako kaltziozko ur-jausi ezagunak, ur beroko iturrietatik sortuak. Afaria eta atsedena.

Goiza: Gosaldu eta Konyara abiatu (San Pauloren lehen bidaiako Ikonio zaharra eta seleukotar Inperioko hiriburua), Taurus mendi magaleko lautada emankor zabal aldera. Museoa eta Mevlanaren Hilobia ikusi, Derbitxe dantzarien Ordena sortu zuen olerkari mistikoarena. Meza San Pauloren Elizan. Bazkaria.

Arratsaldea: Kapadoziarantz jarraitu eta bidean Sultanhaniko Karabansaraian sartu-atera, herrialdeko karabansar ederrenetako bat baita. Kapadoziara iritsiko gara. Turkia erdialdeko goi-lautada batean kokatua dago eskualdea eta munduko paisaia harrigarrienetako bat aurkituko dugu bertan. Afaria eta atsedena.

Lurralde bitxi hau ikusten emango dugu eguna, paisaia txundigarri eta bikainez betea, II. eta XII. mende artean kristau elkarteak ugarituz joan ziren ingurunea. Harkaitzean egindako elizak ikusiko ditugu Goremeko bailaran, apaindura xume eta primitiboz jantziak. Zelveko bailara, non gizaldietan zehar santutegiak, monasterioak eta egoitzak zulatu zituzten harkaitzean, monasterio-bizitza ugariaren lekukotasuna erakutsiz; Avanos ontzigileen herria, eta abar. Horietakoren batean Eukaristia ospakizuna. Kaymakli lurpeko hiria, 7 solairu lur azalean behera joanda, non hamaika pasabide, areto, kapera, biltegi, eta abar egin zituzten. Hotelera itzuli. Afaria eta atsedena.

Goiza: Goiz gosaldu eta Tarsora abiatu, San Pauloren jaioterrira. Han nabarmentzekoak dira San Pauloren Putzua eta Kleopatraren Atea. Bazkaria.

Arratsaldea: Antiokirantz jarraitu (Antakya), Orontes ibai ertzeko hirirantz. Handik hasi ziren ebanjelioa zabaltzen Pedro, Paulo eta Bernabe. Afaria eta atsedena.

Goiza: Gosaria eta munduko mosaiko bilduma onenetako bat ikustera, Mosaiko Erromatarren Museora. Alde zaharrean txangoa San Pedroren Elizaraino (“kristau” izenez deitzen hasi ziren hiriko kristauekin harremana) eta San Pedroren Arpea, non lehenbiziko Eukaristiak ospatu zituen. Bazkaria.

Arratsaldea: Antakya-Hatay aireportura joan eta Istanbulerako hegaldia hartu. Iritsi eta hotelera joan. Afaria eta atsedena.

Goiza: Gosaria eta hiri historikoa ikusten hasi, garai batean Konstantinopla eta Bizantzio izenekoa, hainbat Kontzilio egindako lekua: Urrezko Adarrean Eyüp-eko Meskita; Korako Salbatore Deunaren Eliza, bere mosaiko ikusgarriekin; Suleimanen Meskita, Apostoluen Eliza gainean eraikia; Espezien Bazarra eta Rustempaşa Meskita.

Arratsaldea: Zutabeen Uharka ikusiz jarraituko dugu; Santa Sofia; Hipodromoa. Meskita Urdina eta Topkapi Jauregia, sultanen antzinako jauretxea. Afaria eta atsedena.

Goiza: Gosaldu eta nasara joango gara Bosforoko uretan ibiltzeko itsasontzia hartzera. Asiako eta Europako bi urertzak banatzen dituen itsasartean nabigatuko dugu, hor dagoelarik kokatua Istanbul.

Arratsaldea: Bazarra ikusiko dugu, hango kale estalien amaraunean ibiliz, erosketak egiteko toki aparta, 4.000 denda baino gehiago baitago bazarrean. Afaria eta atsedena.

Gosaldu. Esandako orduan aireportura abiatu eta Madrilera itzultzeko hegaldia hartu. Barajasko aireportura iritsi. Bidaiaren amaiera.