Lur Santuko Adiskideak

Lur Santuko ikustaldian erromes askok bizitutako erlijio-esperientzia sakonak, bereziki Frantziskotarrekin ibili badira; erromesaldiko fruitu espirituala eta erromesen artean sortutako adiskidetasuna bizirik mantentzeko gogoak; Ebanjelioaren lekuko izateko konpromisoak, Jaunak bere lurrean egindako gonbitea entzunda; Lur Santuko kristauek jasaten dituzten beharrak ezagututa, eta haien alde Lur Santuaren Zaintzako frantziskotarrek egiten duten gizarte-lanean lagundu nahiak «Lur Santuko Adiskideak» eratzera bultzatu ditu erromes ugari taldeen eta elkarteen bitartez.

ELKARTEAREN HELBURUAK

1. Jesusek eta Mariak santifikatutako Lurreko Leku Santuen ezagutza, maitasuna eta gurtza sustatzea.
2. Gure salbamenaren Lur Santuko santutegiak zaintzea eta kontserbatzea eragitea.
3. Lur Santuaren Zaintzak kristauen alde egiten duen gizarte-ekintzan laguntzea kristau elkartasunaren bidez.
4. Elkarteko kideen prestaketa biblikoa eta bizimodu kristaua lantzea.

ELKARTEAREN JARDUERAK

1. Lur Santura erromesaldiak sustatu edo Frantziskotarrek egiten dituztenen berri zabaldu eta beste kristauak animatu Leku Santuak ikusteko esperientzia bizitzera.
2. Elkartekideen prestaketa biblikorako hitzaldiak, solasaldiak, elkarrizketak edo proiekzioak era iraunkorrean egin.
3. Elkartekideen topaketak bultzatu elkarren lagunartean eta Lur Santuarekiko adiskidetasunean zaletzeko, esanahi erlijioso edo kulturaleko lekuetara joanez edota bizikidetza nahiz aisialdiko bileren bidez.
4. Diruz lagundu –ahal den neurrian– bitarteko ekonomikorik ez duten pertsona batzuek Leku Santuak ikus ditzaten.
5. Dohaintzak hartu edo bazkide kuota eman santutegiei eta kristau elkarteari eusten laguntzeko, «karitate zeinu» hau Lur Santuaren Zaintzaren bitartez bideratuz.
6. «LUR SANTUKO ADISKIDEAK» buletin informatiboa egin, Elkarteko kideen komunikazio bide izan dadin.

LUR SANTUKO ADISKIDEEN EGOITZA